Qerisuusiviit ulikkaarmata tunisassiorfik matugallarpoq
Uummannami Royal Greenlandip tunisassiorfiani qerisuusiviit ulikkaarmata tunisassiorfik matugallarpoq. Sapaatip akunnerani 18-imi sulisut tuisassiorfimmi torersaallutik sulipput, sapaatilli akunneq ingerlasoq aallarnerfigalugu sapaatit akunnerni tallimani tulliuttuni sulisut pikkorissassapput.
Allattoq Inga Egede, ineg@royalgreenland.com- Tunisassiorfiup qerisuusivii ulikkaarmata apriilip 28-iani tunisineq unippoq 30-ianilu tunisassiorneq kingulleq pivoq, taama oqarpoq Uummannami Royal Greenlandip tunisassiorfiani ingerlatsisoq, Kirsten Kristensen Worm oqarpoq, nangipporlu:
- Tunisassiorfiup matoqqagallarnerani sulisuvut 44-iusut angerlartissanngilagut. Sapaatip akunnerani 18-imi tunisassiorfiup iluani silataanilu torersagassanik aaqqisugassanillu suliaqarput. Sapaatip akunnerani 19-imiit sulisut assigiinngitsunik imaqartunik pikkorissassapput.
Uummannami tunisassiorfimmi sulisut sapaatit akunnerit tallamat ingerlanerini assigiinngitsunik imaqartunik Royal Greenland Academy-p aaqqissugaanik pikkorisartinneqassapput.
Uummannami tunisassiorfiup qerisuusiviisa imarisaasa ilaat siku aappat ilanngarneqareerpata aatsaat tunisassiorfik tunisassioqqilersinnaavoq. Siku aappat umiarsuit tulassinnaalerpata tamanna aatsaat pisinnaavoq.
- Pilersaarutit malillugu umiarsuaq siulleq majip 21-iani tikittussaavoq, kisiannili sioqqullugu kingusinnerusukkulluunniit sikuissappat pilersaarutit allannngoriaannaapput, Kirsten Kristensen Worm oqarpoq.
Nunaqarfinni Uummannap pigisaaniittuni Ukkusissani, Ikerasammi aamma Saattuni qerinasuartitsiviit sapaatit akunnerini 19-imi 20-milu aamma ulikkaarnissaat naatsorsuutigineqarpoq.
Uummannami Royal Greenlandip tunisassiorfiani assilisat allaaserisap.
