Reduce - recycle - renew
Poortuutissat atorneqarnerusut sumik sanaajunissaannik toqqaaniarnermi inuussutissat pillugit sillimaniarnerup qaffasissuunissaa aamma tunisassiap pitsaanerpaamik illersorneqarnissaa plastikkimik atuinerup annikillisinniarneqarnerani qitiusutut inissisimapput.
Royal Greenlandip ullumikkut niuertarfinni tunisassiaatai amerlanerit puussianut poortugaapput. Puussiat plastikkimik ataatsimik qaleriinnik arlalinnilluunniit sanaajusut assigiinngitsunik piginnaaneqarlutillu tunisassiaq suna puussiamut poortorneqassanersoq apeqqutaasarpoq. Tunisassiaq piffissap ingerlanerani silaannaninnginniassammat assiaqusiilluarnissaq assersuutaalluarsinnaavoq, taamatuttaaq atortussat ninngusuut qerisunillu poortuinermi sakkunik ipittunik putuneqarsinnaanngitsut pingaaruteqarput. Qalerallit imaluunniit kapisillit pujuukkat tippannginniassammata tunisassiat pujuukkat 100%-imik pitarneqarsinnaanngitsumik poortorneqartariaqarput.
Atorussat plastikkiusut poortuutissatut atorneqartussat atoqqissinnaassappata plastikki ataasiinnaanissaariaqarlunilu imaluunniit polymeriusariaqarpoq. Plastikkimik atuinerup annikillisinnissaanut aammalu atortussat atoqqissinnaasuunissaannut apeqqut tassaasinnaavoq plastikki ataasiinnaq atorneqarpat puussiap issunerulersittariaqarnissaa, soorlu PE/PET-miit PE-mut paarlaassinermi.
Nalunaarsuiffik ataaniittoq polymerit akoorinerillu assigiinngitsut atoqqiineq eqqarsaatigalugu piginnaasaqarnerinut takussutissaavoq. Atoqqqiisinnaaneq eqqarsaatigalugu polymerit akuiussinnaassusaat pingaaruteqartoq takuneqarsinnaavoq. Polymerit akuliussinnaanngitsut atoqqiiniarluni immikkoortitsinermi immikkoortinneqarsinnaanngillat, taamaammallu ikuallanneqaannartariaqarput.
Niuertarfinni nioqqutissat poortuutissanik pitsaassusissatut killiliussamiit pitsaanerungaartunik, tassa polymererinik akuleriissinnaasunik sanaanik poortorsimanissaat Royal Greenlandimit siullertut pingaartinneqarpoq. Taamaalilluta niuertarfinni nioqqutissaatitta poortuutaasa atoqqissinnaanissaannik qulakkeerinnippugut. Ilaatigut tunisassiat illersorluarsinnaajumallugit poortuutissat issunerusariaqartassammata plastikkimik atuineq qaffassinnaavoq.
Atortussat mingutsitsinngitsut, soorlu PET, PP aamma PE, atoqqissinnaassusaat annertunerpaavoq, illua-tungaani atortussat sungaartup nalaaniittut plastikkimik kaarilianut, baalialiornermut naatsiivinnilu naasuusiviliornermut assigisaannullu atoqqissinnaakkajupput.
Polymerinut nunap iluaneersunik sanaanut nalunaarsuiffimmi takuneqarsinnaasunut taarsiullugit poortuutissat tunisassiat ilaannut atorneqartartut pinngortitaneersunik nutaanngorteqqinneqarsinnaasunik sananeqaatilinnik bioplastikkimik taaneqartartunik, soorlu sukkerroenik, majsinik karrikunik sanaanik taarserneqarnissaat siunissaq ungasinnerusoq eqqarsaatigalugu kissaataavoq. Bioplastikki ullutsinni pisiniarfiit puussiaataannut poortuutissanullu tunisassianik toqqaannartumik poortuutigineqartussaanngitsutut atorneqarneruvoq.
